Аршанцам і віцяблянам нагадалі пра палітвязняў

drako

Праблеме беларускіх палітвязняў быў прысвечаны тэматычны пікет, што адбыўся сёння, 17 верасня ў цэнтры Оршы.

Мінакі маглі пабачыць стэнд з партрэтамі зняволеных і адрасамі калоній і СІЗА, дзе яны знаходзяцца.

Многія з аршанцаў, нават сябры ўчастковых камісій, выказаліся за тое, каб напісаць тэлеграму ў падтрымку вязняў сумлення.

У выніку пасля непрацяглай нарады было прынята рашэнне выслаць кожнаму з іх тэлеграму з наступнымі словамі: «Падтрымліваем вас і вашае змаганне ў барацьбе за будучую свабодную і справядлівую краіну. Верым, што такія часы неўзабаве надыдуць. Жадаем вам сілы духу і волі да непазбежнай перамогі».

Пікет быў зладжаны камандай кандыдата ў дэпутаты, вылучэнне якога падтрымала кампанія «Гавары праўду» Канстанціна Анташкевіча.

Гэтаксама пра палітвязняў нагадалі і ў Віцебску.

zapraudu.by

,