19 чэрвеня а 15 гадзіне заплянаваная ўрачыстая закладка першага каменя ў Кітайска-беларускім індустрыяльным парку і пачатак будоўлі.
Мяркуецца, што ў цырымоніі прымуць удзел менскія чыноўнікі і прадстаўнікі беларускага ўраду.
Беларуска-кітайскі тэхнапарк задумваўся як грандыёзны сумесны праект, тэрмін рэалізацыі якога — 30 гадоў, і які ў пэрспэктыве штогод павінен прыносіць дзясяткі мільярдаў прыбытку.
Ідэя стварыць Беларуска-кітайскі індустрыяльны парк у Смалявіцкім раёне ўпершыню абмяркоўвалася яшчэ ў сакавіку 2010 году. У Менск тады прыяжджаў намесьнік старшыні КНР Сі Цзіньпін, было падпісана пагадненьне, якое ратыфікавалі ў абедзьвюх краінах яшчэ два гады таму.
Праект будаўніцтва выклікаў незадаволенасьць мясцовых жыхароў, уладальнікаў дачных участкаў і грамадзянскай кампаніі «Гавары праўду».