Былому палітвызню ішоў 89 год.
Васіль Старавойтаў нарадзіўся 13 чэрвеня 1924 ў вёсцы Барок Бялыніцкага раёна Магілёўскай воблаcці.
Удзельнічаў у Вялікай Айчыннай вайне ў якасці байца, пазней — памочніка начальніка штаба 600-га партызанскага атрада. У верасні 1943 года Васіля Старавойтава, які партызаніў разам з бацькам, прынялі кандыдатам у члены камуністычнай партыі. Працяглы час знаходзіўся на камсамольскай і партыйнай працы.
У 1957–1968 гадах працаваў дырэктарам саўгаса «Раднянскі» Клімавіцкага раёна.
У 1968–1997 гадах — старшыня калгаса «Рассвет» імя К. П. Арлоўскага.
Актыўна ўдзельнічаў у грамадска-палітычнага жыцця. Абіраўся дэлегатам XXV, XXVI і XXVII з’ездаў КПСС, дэпутатам Вярхоўнага Савета СССР 8-га і 10-га скліканняў, дэпутатам Вярхоўнага Савета БССР, членам бюро Кіраўскага райкама партыі.
Выступаў з крытыкай Аляксандра Лукашэнкі, не падтрымаў яго кандыдатуру на выбарах. У кастрычніку 1997 года быў адхілены ад працы і арыштаваны.
Абвінавачваўся ў перавышэнні службовых паўнамоцтваў, эканамічных злачынствах, хабары, арганізацыі забойства кіраўніка Магілёўскага Дзяржкантролю Мікалуцкага. Правёў за кратамі амаль паўтары года.
У СІЗА ён перанёс два сардэчныя прыступы, мікраінсульт, пасля якога не мог гаварыць, практычна страціў зрок. У 1999 годзе быў прысуджаны да двух гадоў пазбаўлення волі з адбываннем пакарання ў калоніі строгага рэжыму і канфіскацыяй маёмасці.
Пасля вызвалення з месцаў зняволення вярнуўся дадому, у вёску Мышкавічы Магілёўскай вобласці.
Узнагароджаны трыма ордэнамі Леніна, ордэнамі Кастрычніцкай Рэвалюцыі, Айчыннай вайны 1-й ступені, Чырвонай Зоркі, медалямі. У 1978 годзе прысвоена званне «Заслужаны работнік сельскай гаспадаркі БССР».
Крыніца: Наша Ніва
Сёння раніцай, у 7:30, памёр паэт Генадзь Бураўкін. Апошнія месяцы ён змагаўся з анкалагічным захворваннем.
Кааліцыя “Народны рэферэндум” (партыя БНФ, Рух “За свабоду”, БСДП (Грамада), кампанія “Гавары праўду”) запрашае на сядзібу БНФ узгадаць, як прымалі Дэкларацыю аб дзяржаўным суверэнітэце Беларусі.
Грамадзянская кампанія «Гавары праўду» выказвае шчырыя і глыбокія спачуванні спадару Калякіну ў сувязі са спасціглым яго горам.
Былы старшыня калгасу, сябра «Гавары праўду» і патэнцыйны кандыдат у дэпутаты Мінскага абласнога савета кажа, што заробкі на гэтай пасадзе нізкія