Лаўкі ў пад’ездаў дамоў – справа звычайная. Менавіта тут праходзіць большая частка жыцця для пажылых людзей у летні час. Маю на ўвазе тых спадарынь і спадароў, якія яшчэ ў стане рухацца і пераадольваць лесвічныя прыступкі.
Аднак, на жаль, многія лаўкі ў Слуцку не маюць апоры для спін. Чамусьці, прадстаўнікі жыллёва – камунальнай гаспадаркі выпраўляюць такія хібы толькі пасля пісьмовых зваротаў. Не кожны ўмее напісаць такі зварот, вось і пакутуюць старыя людзі пад час такога складанага адпачынку на свежым паветры.
Не выключэннем з’яўляецца і пад’езд №6 па вуліцы Сацыялістычная. Праходзячы каля пад’езда, заўважыла пажылую жанчыну, выгнуўшую спіну ў выглядзе пытальнага знака, седзячы на лаўцы. У адказ на маё пытанне паскардзілася, што без спінкі не можа прасядзець на такой лаўцы ў адной позе і некалькі хвілін:
— У нашым пад’ездзе пражывае многа такіх людзей з хворымі пазваночнікамі, — кажа Мая Аляксандраўна. – Жыву адна, хочацца выйсці і пагаварыць з кім – небудзь. У мяне баляць ногі, далёка ад дома адыйсці не магу. Вось тут і праходзяць мае камунікацыі з людзьмі. Ды толькі доўга на такой лаўцы не пасядзіш, пачынаю пакутаваць ад болю ў пазваночніку. Звярталіся ў ЖКГ вусна неаднаразова, але вынікаў няма.
На маю прапанову падпісаць калектыўны зварот і тут жа разам са мной, актывiсткай «Гавары прауду» сабраць подпісы каля лаўкі з радасцю пагадзілася. За 15 хвілін былі сабраны 10 подпісаў пад калектыўным зваротам на імя КУП “Слуцкай ЖКГ” з просьбай прымацаваць спінкі для лавак альбо замяніць іх на новыя належнай якасці і ў інтарэсах пажылах людзей. Подпісы накіраваны па адрасу, чакаем рэакцыі ад ЖКГ. Пакуль што людзі дзякуюць, што ёсць такая ініцыятыва, якая спрабуе людзям дапамагчы.
ЗІНАІДА ЦІМОШАК
www.zapraudu.by
Глыбокія яміны, патрэсканы асфальт, пакрыўленыя і месцамі паваленыя платы, адсутнасць свету ўначы робяць гэтую вуліцу не толькі непрывабнай, але і небяспечнай для пражывання жыхароў і пешых вандроўнікаў.
У мінскі офіс дэпутатаў “Грамадзянскай дамовы” кампаніі «Гавары праўду» звярнуліся грамадзяне з расповедам пра жудасны стан “Камсамольскага возера”.
Яны задаюць пытанне, калі будуць парамантаваны вуліца Сасновая і завулак пад такой жа назвай
Кандыдатка ў дэпутаты па Магілёўска-Кастрычніцкай выбарчай акрузе №87 Аксана Закрэўская адзначае, што пікетаваць на яе выбарчай акрузе можна толькі ў адным месцы – у дварах дамоў па вуліцы Чалюскінцаў.