Пра гэта распавёў каардынатар грамадскай кампаніі “Гавары праўду” па Брэсце Ігар Маслоўскі.
Мужчына затрымаў актывістку ў сваёй кватэры і выклікаў міліцыю. Жанчыну завезлі ў РАУС.
Маслоўскі: «На мой погляд, звычайны грамадзянін не меў ніякага права фізічна затрымліваць чалавека, зачыняць дзверы. Наша актывістка не рабіла нічога супрацьзаконнага. У бліжэйшы час мы звернемся ў праваахоўныя органы. Пагатоў, ёсць яшчэ адна нагода — былі забраныя чатыры падпісныя лісты. Мы будзем прасіць, каб нам вярнулі гэтыя лісты і высветлілі абставіны затрымання нашай актывісткі ў кватэры».
Са словаў Маслоўскага, міліцыянты склалі на зборшчыцу подпісаў пратакол апытання, а ён ездзіў вызваляць актывістку і пісьмова патлумачыў законнасць збору подпісаў. Жанчына знаходзіцца ў шоку ад здарэння.
Нагадаем, што арганізатары акцыі прапануюць падтрымаць вынясенне на рэферэндум пытанняў пра бясплатнасць дзяржаўнай адукацыі і аховы здароўя, выбарнасць кіраўнікоў выканаўчых органаў мясцовай улады, курс на інтэграцыю з ЕС, неразмяшчэнне на тэрыторыі Беларусі вайсковых базаў трэціх краін, абмежаванне знаходжання на пасадзе прэзідэнта двума тэрмінамі і падкантрольнасць прыватызацыі дзяржаўнай маёмасці.
Крыніца: Еўрарадыё
Больш за 8 тысяч подпісаў у падтрымку кампаніі “Народны рэферэндум” сабрана на Берасцейшчыне.
Тры гадзіны прабыла ў міліцыі бабруйская валянтэрка кампаніі «Гавары праўду» Яніна Аўсянік. Яе затрымалі, калі яна зьбірала подпісы ў падтрымку «Народнага рэфэрэндуму».
Міліцыянты папрасілі, каб у час правядзення экспертызы зместу падпісных лістоў гарадзенскія актывісты подпісаў не збіралі, маўляў – “а раптам гэта правапарушэнне”.
Больш за дзесяць тысяч подпісаў у падтрымку ’’Народнага рэферэндуму’’ сабрана ў Берасцейскай вобласці.