Віншаванне Уладзіміра Някляева з нагоды Дня Незалежнасці Польшчы

drako

«Бог! Гонар! Айчына!» — гукаецца ў сэрцы кожнага паляка.

Гэтая трыяда і ёсць польская нацыянальная ідэя, і ўсе ў ёй — імкненне да Волі. Бо і Бог ёсць Воля, і гонар не ўласцівы рабу, і айчына не Айчына без Волі.

Мала хто ў Еўропе змагаўся за Волю гэтак апантана, як палякі, праз вякі губляючы Волю і зноў здабываючы яе, каб урэшце здабыць назаўжды. Гэта найвялікшы подзвіг, праз які ўва мне найвялікшая пашана да народа, які яго здзейсніў — і з гэтай пашанаю я віншую Польшчу з Днём Незалежнасці!

                                                                                                                      Уладзімір Някляеў